ಎಷೆಲ್ಲಾ ಬೈದ್ರೂ..ನನ್ನ ಮಗಳಲ್ವ...ಯಾವುದೋ ಕಿನ್ನರಳೇ ಇರಬೇಕು..

ನನ್ನ ಮಗಳು...ಹೊಟ್ಟೇಲಿದ್ದಾಗಲಿಂದಲೂ ಅವರಮ್ಮ ಅವಳಿಗೆ ಕಥೆಗಳ ಹುಚ್ಚು ಹಿಡಿಸಿದ್ದಾಳೆ. ರಾತ್ರಿ ಮಲಗುವಾಗಲಂತೂ ಕೈಯಲ್ಲಿ ಯಾವುದೋ ಲೋಕದ ಸುಂದರಿಯ ಚಿತ್ರಗಳ ಪುಸ್ತಕ ಹಿಡಿದೇ ಮಲಗುವ ಅಬ್ಯಾಸ.


ಹೀಗಾಗಿ, ಅವಳಿಗೆ ಅವಳೇ ಒಬ್ಬ "ಪ್ರಿನ್ಸಸ್" ಅನ್ನುವ ಗುಂಗು.

"ಏ...ಅದು ಇಂಗ್ಲೀಷ್ ರಾಜಕುಮಾರಿ ಕಣೆ..ನಮಗೂ ಅವರಿಗೂ ಸಂಬಂಧವಿಲ್ಲಾ.."

ಅಂದಿದ್ದಾಯಿತು...

"ಹಿಂಗೆ...ನೀನು ಪ್ರಿನ್ಸೆಸ್ಸೂ...ಫೈರಿ ಅಂತಾ ಇದ್ರೆ..ಜನ ನಾಟಕದವಳೂ ಅಂತ ನಗ್ತಾರೆ"

ಅಂತ ಹೆದರಿಸಿದ್ದಾಯಿತು.



"ನಿನಿಗೆ ನಾನು ಪ್ರಿನ್ಸೆಸ್ ಆದ್ರೆ ಹೊಟ್ಟೇ ಕಿಚ್ಚು" ಅಂತ ತಿರುಗಿ ಬೈತಾಳೆ.



ಏನಂದ್ರೂ ಇಲ್ಲ. ಮೊನ್ನೆ ಹೋಗಿ ನಲವತ್ತು ರೂಪಾಯಿಯ ಒಂದು ಸಣ್ಣ, ಬ್ಯುಟೀ ಕ್ವೀನ್ ಗಳ ಕಿರೀಟ ಕೊಂಡು ಬಂದು, ಅದನ್ನ ಹಾಕಿ ಕೊಂಡೇ ಕೂತಿರ್ತಾಳೆ. ಯಾವುದೋ ಲೋಕದಲ್ಲಿ ಕಳೆದು ಹೋಗಿರ್ತಾಳೆ..

"ಸ್ವಲ್ಪ ದಿನ ಹಂಗಿರ್ತಾಳೆ ಬಿಡ್ರಿ, ಎಲ್ಲಾ ಹೆಣ್ಣು ಮಕ್ಕಳೂ ಹಂಗೆ. ನಾನೂ ಹಂಗಿದ್ದೆ"

ಅಂತ ನನ್ನ ಹೆಂಡತಿ ಸಮಾಧಾನ..

ಮೊನ್ನೆ..

"ಪಪ್ಪ ನನ್ನನ್ನ ಪ್ರಿನ್ಸಸ್ ತರಹ ಶೂಟ್ ಮಾಡಿಕೊಡು" ಅಂತ ಹೆಗಲು ಬಿದ್ದಳು.

ಇನ್ನೇನು, ಅದೂ ಒಂದು ಮುಗಿದು ಹೋಗಲಿ ಅಂತ...

ಮಾಡಿದೆ :)

ಎಷೆಲ್ಲಾ ಬೈದ್ರೂ..ನನ್ನ ಮಗಳಲ್ವ...ಯಾವುದೋ ಕಿನ್ನರಳೇ ಇರಬೇಕು..:)