ಗೊತ್ತಿಲ್ಲದ ಊರಿನ ಚಳಿ ಚಂದ

ಬಿನ್ನಹವಿದು ನಿನ್ನಡಿಗಳಲಿರಲಿ


ಎನ್ನಯ ತನು ಮನ ನಿನ್ನ ಅರಿಯಲಿ

ಎನ್ನದು ಎನ್ನುವುದೆಲ್ಲವು ಸಂತತ

ಚೆನ್ನಕೇಶವ ನಿನ್ನೊಳು ನಿಲಲಿ.



ಮೊನ್ನೆ ಪ್ರಾರ್ಥನೆ ಒಂದನ್ನ ಕೇಳ್ತಾಇದ್ದೆ. ನನಿಗೇನು ಬೇಡ ದೇವರೇ, ನಿನ್ನನ್ನ ಅರಿತರೆ ಅಷ್ಟೇ ಸಾಕು ಅನ್ನುವ ಈ ಪದಗಳು ಬಹಳ ಕುಷೀ ಕೊಟ್ಟಿತು.

ಮತ್ತೆ,

ಏನೆಲ್ಲಾ ಎದುರಿಗಿದ್ದರೂ..ಒಮ್ಮೊಮ್ಮೆ ಬೇಸರ..ಅದಕ್ಕೊಂದು ಕಾರಣವಿರುವುದಿಲ್ಲ. ಒಂದು ಹಂತದ ವಯಸ್ಸಾದ ನಂತರ ಎಲ್ಲಾ ವಿಷಯಗಳನ್ನು ಎಲ್ಲರಲ್ಲೂ ಹೇಳಿಕೊಳ್ಳಲು ಮನಸ್ಸಾಗುವುದಿಲ್ಲ. ಹೇಳಿಕೊಳ್ಳುವ ಎಂದೆನಿಸುವ ಯಾರೋ..ಎಲ್ಲಿದ್ದಾರೋ ಗೊತ್ತಿಲ್ಲ.

ಬಹಳ ದಿನಗಳಿಂದ, ಚಿಕ್ಕಮಗಳೂರಿನ ತಾಜ್ ಹೋಟೇಲಿನ ಲಾನ್ ನ ಮೇಲೆ, ಸಂಜೆ ಹೊತ್ತು, ಸಣ್ಣಗಿನ ಚಳಿಯಲ್ಲಿ ಕುಡಿದ ಚಹದ ನೆನಪಾಗುತ್ತಿದೆ.

ಯಾವಗಲಾದರೂ ಹೋಗಬೇಕು. ಗೊತ್ತಿಲ್ಲದ ಊರಿನ ಚಳಿ ಚಂದ. ಭಾವನೆಗಳೆ ಅಪ್ಪುಗೆಗೆ ಅಸರೆ. ಬೆಚ್ಚಗಾಗುವುದು ದೇಹವೋ ಮನಸ್ಸೋ ಗೊತ್ತಿಲ್ಲ.